Demana cita o resòl consultes e gestions de forma rapida e simpla
Ara pòs programar visites damb es sòns professionaus dera salut d’atencion primària (CAP) a trauès dera web citasalut.gencat.cat o de Mi Salud . S’a creat ua naua airina online damb er objectiu de méter a disposicion dera ciutadania un sistèma que facilite era resolucion des sues sollicituds, autant de cites des professionaus dera atencion primària coma de consultes e gestions administratives.
Entà accedir a citasalut.gencat.cat sonque ei de besonh eth sòn còdi d’identificacion personau (CIP), qu’ei era combinacion de letres e numeròs qu’apareish ena sua targeta sanitària.
Tanben ac pòt hèr a trauès de Mi Salud : : a d’accedir coma tostemp, seleccionar era opcion de “cita prèvia” e, dempús, escuélher “programar visites d’atencion primària”.
Eth nau sistèma presente un listat de motius de consulta, que s’an identificat prèviaments coma es mès abituaus. Sonque a d’escuélher eth sòn e seguir es instruccions indicades en cada motiu. D’aguesta forma, era sollicitud se gestione de forma mès dirigida e se pòt resòlver rapidament.
Se non trape eth sòn motiu, a era opcion de sollicitar cita presenciau o non presenciau damb es sòns professionaus dera salut (mètge/essa o infirmièr/a). Es opcions son:
Demanar cita, realizar consultes e esclarir dubtes sus:
- Tractaments e medicacions.
- Resultats de pròves sollicitades des deth CAP.
- Seguiment d’un problèma de salut cronic.
- Vacunacion.
- Suenh.
- Administracions de medicaments injectables.
- Tramits administratius o informacion.
- D’auti motius
Hèr sollicituds referents ara baisha laborau:
- Sollicitud de baisha se a patit ua fractura de uassi, per espitalizacion, intervencion quirurgica o per atencion espitalària d’urgéncia (cau acreditar-se documentaument).
- Renauiment dera baisha
- Sollicitud dera nauta
Gestions sus eth plan de medicacion:
- Renauiments.
- Sollicituds de còpia.
D’auti motius e gestions:
Segontes eth sòn perfil pòt demanar:
- Cita damb era lheuadora.
- Cita damb odontologia.
- Cita damb trabalh sociau.
- Consultad’atencion sexuau e reproductiva.
Demanar cita presenciau o non presenciau cdamb eth mètge/essa de familha o damb er infirmièr/a.
S’a mès d’un motiu de consulta o visita damb eth madeish professionau, non ei de besonh sollicitar dues cites diferentes, pòt profitar era cita entà realizar es dues consultes.
- Presenciau: pòt dirigir-se ath sòn CAP entà sollicitar ua visita. Se non sap quin ei eth CAP qu’a assignat, pòt consultar-lo en. Cercador de centres introdusint era sua adreça.
- Per telefòn . pòt trucar dirèctament ath 973643146.
- A través de Mi Salud .
En quinsevolh des casi, eth personau que l’atengue saberà orientar-el dera manèra mès adequada segontes eth motiu dera sua consulta. Tanben pòt consultar era Guida d’usatge des servicis sanitaris publics de CatSalut. .
