Ingrès en Espitau
Foncionament e informacion
En moment der ingrès vos informaram deth foncionament dera planta, er orari des minjars e er orari d’informacion medicau. Pendent eth vòste ingrès auratz un mètge e ua equipa de infirmieria.
S’auetz de besonh hèr quauque tramit o informacion, vos podetz adreçar tara recepcion, ena planta baisha der espitau.
Era abitacion/h4>
- Depenent dera unitat d’espitalizacion e des critèris clinics, vos assignaram ua abitacion dobla o individuau.
- Dispausaratz d’atencion d’infirmieria cada còp que vo’la calgue prement eth timbre.
- S’auetz de besonh eth servici de wifi, lo podetz sollicitar ath vòste infirmièr/a.
Nauta medicau
- Eth mètge ei qui autorize era vòsta nauta.
- Avisaram damb antelacion e vos daram er informe medicau de nauta qu’includirà eth tractament e es recomanacions a seguir.
- Es nautes abituaument se daràn en orari de maitin.
- S’auetz de besonh un justificant der ingrès, l’auratz de sollicitar en recepcion, ena prumèra planta der Espitau.
Acuelhuda
- S’auetz d’ingressar en Espitau Val d’Aran, en recepcion auram de besonh era vòsta targeta sanitària o document dera vòsta mutualitat.
- S’eth motiu d’ingrès ei entà auer un hilh/a, auratz de portar eth «carnet dera embarassada».
- En moment der ingrès se vos plaçarà un braçalet identificatiu qu’auratz de portar en tot moment entara vòsta seguretat.
- En cas des menors, auratz d’auer en compde que tostemp an de vier acompanhadi.
Qué ei recomanable portar?
- Pijama
- Bata
- Pantofles
- Articles d’igièna personau
Servicis
- Cafeteria dubèrta de deluns a diuendres de 09:00 a 15:00 ena planta baisha
- Maquina dispensadora de cafè e begudes
- Wifi.
- Tv de franc
Acompanhants e donades de contacte
Er orari de visita ei de 13:00 a 20:00 ores.
- Se permet sonque un o ua acompanhant per pacient
- Non se recomane portar menors d’edat tàs visites, s’ac cau, serà obligatòri que vagen acompanhadi per un adult.
- En cas de situacion excepcionau, consultar damb infirmieria de planta.
- Ei important auer actualizades era vòsta adreça e telefòn de contacte, atau coma es deth vòste acompanhant.