Laguens deth marc deth desvolopament deth Modèl d’Atencion Centrada ena Persona d’Aran eth projècte preten incorporar:
- Gestion de cassi (avaloracions e plans d’accion integrada en encastre sociau e assistenciau, ath delà d’individualizats damb era fin de melhorar era experiéncia dera persona)
- Solucions tecnologiques (en tot innovar era domotica, robotica e telemedicina)
- Gestion de dades enes procèssi d’atencion (coma sistèmes d’intelligéncia artificiau e coneishença orientada a analisar e predíder es besonhs dera ciutadania)
- Solucions de supòrt (que faciliten e fomenten er empoderament e era vida independenta des persones damb major besonh clinic e sociau)
Aguesti esfòrci pretenen facilitar era adaptacion as cambis e era adopcion de practiques innovadores entà assegurar un sistèma de salut mès eficient e equitatiu a on se desvolope ua atencion proactiva, integrada e qu’incorpòre naues tecnologies.
Aguest projècte ei part integrau des directritzes establides peth Plan de Salut de Catalunya 2021-2025 e eth Plan Estrategic de Servicis Sociaus de Catalunya 2020-2024, a on era Atencion Centrada ena Persona ei identificada coma element nuclear. Ath delà, era collaboracion e aliances damb entitats coma era Fundació Unió Catalana d’Hospitals, era Fundació Tic Salut i Social, Suara Cooperativa e era Universitat Politècnica de Catalunya, refortilhe eth compromís damb era recèrca, era innovacion e era melhora contínua entà garantir ua atencion de qualitat entà toti es ciutadans dera Val d’Aran.
