Visitar-se en centre
Sonque se permeterà era preséncia d’un unic acompanhant per pacient.
Obligatòri er emplec dera masqueta pendent tota era visita.
Mantier era distància de seguretat.
Neteja de mans damb freqüéncia.
Arribada puntuau ara visita.
Abans dera visita o pròva:
-
- S’as frèbe, tos o mauestar generau, telefòna tath 973643146
- S’ès pendent deth resultat PCR o ès atze estret d’un cas positiu, evita vier tath centre.
Espitau Val d’Aran
Carrèr deth Espitau, 5, 25530 Vielha, Lleida
973 64 31 46
S’as era visita en C.A.P., non cau que confirmes qu’as arribat, te pòs dirigir dirèctament tara consulta qu’indique ena tua visita.
Se non sabes eth numèro dera consulta, lo pòs demanar en recepcion.
- S’as visita en espitau, adreça-te tar airau de consultes extèrnes.
- En arribar, confirma era tua visita damb era targeta sanitària enes punts de confirmacion, se generarà un tiquet damb eth numèro dera consulta.
- T’as de dirigir tara sala de demora qu’indique eth tiquet e quan eth tòn còdi gesque en pantalha, ja poiràs entrar ena consulta indicada.
- Entà quauques pròves eth punt de confirmacion t’adreçarà tara admission centrau e, tostemp que sigue de besonh, te facilitaram un braçalet identificatiu entara tua seguretat..
- En gésser, s’as de besonh un justificant de visita pòs sollicitar-lo en recepcion.
- S’era visita ei en servici de reabilitacion o salut mentau, auràs d’anar tara bastissa dera Residéncia Sant Antòni, ena planta baisha.