• Era sindica d’Aran a recebut aguest maitin ath gerent deth Sistèma d’Emergéncies Mediques (SEM) e era sua equipa en ua jornada ena quau s’a renauit eth convèni de collaboracion entre eth Servici Aranés de Benèster e Salut (SABS) e eth SEM entà regular era cooperacion entre andues parts en situacions d’urgéncia medica, entà garantir ua melhor atencion as persones deuant de situacions d’emergéncia
Era sindica d’Aran, Maria Vergés, a recebut aguest maitin ath gerent deth Sistèma d’Emergéncies Mediques (SEM) dera Generalitat de Catalunya, Jaume Estany, qu’a visitat era Val d’Aran en ua visita institucionau deth SEM tara Val d’Aran qu’a compdat damb era preséncia e participacion deth gerent dera Region Sanitària Naut Pirenèu e Aran, Felip Benavent, des principaus responsables d’Aran Salut, eth Servici Aranés de Benèster e Salut (SABS), Pompièrs-Emergéncies e eth pròpri SEM.
Eth motiu principau d’aguesta visita a estat era signatura deth convèni de collaboracion entre eth SABS e eth SEM entà regular era cooperacion, coordinacion e collaboracion entre andues entitats, un convèni qu’a per objecte regular era cooperacion entre es parts en situacions d’urgéncia e emergéncia ordinàries e eth transpòrt interespitalari der Espitau Val d’Aran tà d’auti espitaus der hilat public de Catalunya, atau coma era cooperacion en cas des emergéncies sanitàries extraordinàries o situacions de catastròfa.
“Deth Conselh Generau d’Aran ençà èm plan satisfèts peth renauiment d’aguest convèni de collaboracion que supause entath nòste territòri ua garantia entà aufrir un servici de qualitat as persones, especiaument per çò que hè ara accessibilitat e era adequacion deth temps de responsa en aguest airau, ath viatge que mos permet balhar cobertura sanitària enes emergéncies que se poguen produsir” afirmaue era sindica d’Aran.
Per part sua, eth gerent dera Region Sanitària Naut Pirenèu e Aran asseguraue que: “aguest convèni ei ua mòstra mès dera volentat deth Departament de Salut de collaborar damb eth Conselh Generau d’Aran en tot çò que pogue contribuïr a dar ua melhor atencion ara poblacion e apropar es servicis sanitaris ath territòri”.
“Damb era signatura d’aguest convèni renauim eth compromís deth Sistèma d’Emergéncies Mediques e deth Departament de Salut damb era Val d’Aran, damb era volentat de garantir que toti es ciutadans d’aguest territòri e, en generau de toti es territòris pirenencs, agen accès ara madeisha assisténcia en situacions d’emergéncia sanitària qu’era rèsta de ciutadans de Catalonha”, declaraue eth gerent deth SEM.
Aguest convèni, qu’a ua vigéncia de quate ans deth moment dera sua signatura ençà, tanben a coma objècte es aspèctes dera formacion des professionaus d’andues organizacions, era participacion en projèctes de recerca e er intercambi deth coneishement generau, atau coma quinsevolh aute ambit d’interès entre es dues parts.
Pendent aguesta visita institucionau, tanben s’a visitat era naua Sala de Contròle de Pompièrs-Emergéncies, a on se receberàn totes es alèrtes de proteccion civila, emergéncies e servicis sanitaris extraespitalaris relacionadi damb era Val d’Aran, un servici que supause ua major efectivitat e apròpe era gestion dera emergéncia ath territòri.
Era sindica d’Aran, Maria Vergés, a recebut aguest maitin ath gerent deth Sistèma d’Emergéncies Mediques (SEM) dera Generalitat de Catalunya, Jaume Estany, qu’a visitat era Val d’Aran en ua visita institucionau deth SEM tara Val d’Aran qu’a compdat damb era preséncia e participacion deth gerent dera Region Sanitària Naut Pirenèu e Aran, Felip Benavent, des principaus responsables d’Aran Salut, eth Servici Aranés de Benèster e Salut (SABS), Pompièrs-Emergéncies e eth pròpri SEM.
Eth motiu principau d’aguesta visita a estat era signatura deth convèni de collaboracion entre eth SABS e eth SEM entà regular era cooperacion, coordinacion e collaboracion entre andues entitats, un convèni qu’a per objecte regular era cooperacion entre es parts en situacions d’urgéncia e emergéncia ordinàries e eth transpòrt interespitalari der Espitau Val d’Aran tà d’auti espitaus der hilat public de Catalunya, atau coma era cooperacion en cas des emergéncies sanitàries extraordinàries o situacions de catastròfa.
“Deth Conselh Generau d’Aran ençà èm plan satisfèts peth renauiment d’aguest convèni de collaboracion que supause entath nòste territòri ua garantia entà aufrir un servici de qualitat as persones, especiaument per çò que hè ara accessibilitat e era adequacion deth temps de responsa en aguest airau, ath viatge que mos permet balhar cobertura sanitària enes emergéncies que se poguen produsir” afirmaue era sindica d’Aran.
Per part sua, eth gerent dera Region Sanitària Naut Pirenèu e Aran asseguraue que: “aguest convèni ei ua mòstra mès dera volentat deth Departament de Salut de collaborar damb eth Conselh Generau d’Aran en tot çò que pogue contribuïr a dar ua melhor atencion ara poblacion e apropar es servicis sanitaris ath territòri”.
“Damb era signatura d’aguest convèni renauim eth compromís deth Sistèma d’Emergéncies Mediques e deth Departament de Salut damb era Val d’Aran, damb era volentat de garantir que toti es ciutadans d’aguest territòri e, en generau de toti es territòris pirenencs, agen accès ara madeisha assisténcia en situacions d’emergéncia sanitària qu’era rèsta de ciutadans de Catalonha”, declaraue eth gerent deth SEM.
Aguest convèni, qu’a ua vigéncia de quate ans deth moment dera sua signatura ençà, tanben a coma objècte es aspèctes dera formacion des professionaus d’andues organizacions, era participacion en projèctes de recerca e er intercambi deth coneishement generau, atau coma quinsevolh aute ambit d’interès entre es dues parts.
Pendent aguesta visita institucionau, tanben s’a visitat era naua Sala de Contròle de Pompièrs-Emergéncies, a on se receberàn totes es alèrtes de proteccion civila, emergéncies e servicis sanitaris extraespitalaris relacionadi damb era Val d’Aran, un servici que supause ua major efectivitat e apròpe era gestion dera emergéncia ath territòri.
Vielha, 5 d’abriu de 2022
