• Aguest maitin er Espitau Val d’Aran qu’a acuelhut ua visita fòrça especiau!

A trauès dera iniciativa dera Colla de Geganters e Grallers de Sant Celoni, eth sòn “gegantó” a visitat eth nòste centre espitalari en tot hèr entrega d’un detalh qu’expresse arregraïment a tot eth personau sanitari.

 Er objectiu d’aguesta accion ei méter en valor e reconéisher eth trabalh amiat a tèrme peth personau sanitari pendent era pandemia, atau coma era importància de tot çò que hèn es professionaus d’Aran Salut entà qu’eth nòste territòri compde damb un sistèma de salut public de qualitat.