• Enquiara eth tràmit dera gestion des baishes d’auie de realizar presenciaument en atencion primària. Damb aguesta incorporacion de gestion automatizada s’agilizaràn es procediments en tot descongestionar atencion primària.

 Er Espitau Val d’Aran a implementat era tramitacion des incapacitats temporaus (IT) per ingrès espitalari damb era intencion de desburocratizar era gestion d’aguest procediment a atencion primària. Per tant, es pacients qu’ingrèssen ja sigue de manèra programada o urgenta en Espitau arrecében era baisha de forma automatica sense besonh qu’es familhes agen d’anar a atencion primària entà realizar aguest tràmit.

Er objectiu d’aguesta milhora ei agilizar es procediments administratius, redusir es visites a atencion primaria entà aguestes gestion, desburocratizar eth sistèma e milhorar era experiéncia des pacients e es sues familhes.

Aguest cambi afectarà as pacients espitalizadi procedenti de: urgències, programadi quirúrgics e programadi medics. Atau donques, era tramitacion dera IT en Espitau inicie en moment d’èster prescrita peth mètge o mètgessa segontes er orde d’ingrès. Se dempús de 7 dies de mancar ath trabalh, eth pacient encara ei ingressat, se genère un comunicat de confirmacion de manèra automatica qu’a validesa de 14 dies. Andus, era baisha e eth prumèr comunicat se pòden descargar immediatament dera aplicacion La Meva Salut. Es comunicats de confirmacion pròxims òc que s’an de gerir en atencion primària.

Toti es espitaus dera Regió Sanitària der Alt Pirineu i Aran: eth Hospital Comarcal del Pallars, er Espitau dera Val d’Aran, era Fundació Sant Hospital e eth Hospital de Cerdanya an desplegat paulatinament aguesta mielhora qu’en conjunt de Catalunya se demore estauviar entre 180.000 e 324.000 visites annaus a atencion  primària.