• Dejà son installadi e en corrècte foncionament toti es naui equipaments tecnologics, dempús de qu’eth servici de laboratòri s’incorporèsse ath hilat dibi.

Aguesta renovacion tecnologica realizada conjuntament entre er Espitau Val d’Aran e dibi, un hilat public de servicis integrats de diagnostic biomedic e pera imatge, a transformat eth laboratòri d’Aran en un telelaboratòri pr’amor dera adquision der equipament ara seguida:

• Un microscòpi que permet era captacion e transmission d’imatges a distància a temps reau damb assessorament en linha damb professionaus especializadides diuèrsi centres der hilat dibi
• Dues equipes de hematologia e dues de coagulacion damb ua configuracion qu’assegure que cap incidéncia pogue interrumpir eth servici
• Renovacion dera equipa de velocitat de sedimentacion en tot eliminar es tubs exclussius d’aguesta pròva, redusint es residus e milhorant era seguretat des pacients.
• Analizador IFA d’estreptococcus e legionella en orina.
• Ua centrifuga.
• Ua pipeta automatica.
• Ua nevèra de reactius e mòstres.
• Un vòrtex, 5 impressores e 5 lectors.
• Nevères e caishes preanalitiques.
• Connexions de toti es equipaments damb eth software deth laboratòr

Tota aguesta equipacion naua non sonque permet aufrir ara ciutadania un catalòg mès ampli de pròves en tot includir bères pròves minoritàries senon que connecte as professionaus d’Aran Salut damb especialistes de fòrça centres damb es que poder contrastar e compartir era informacion.

Ath delà, aguesta renovacion a supausat era mielhora dera integracion e comunicacion des sistèmes informatics damb toti es naui equips en tot perméter dispausar des informes parciaus tant en atencion primària coma en Espitau un cop siguen validats, hèt qu’agilize era obtencion de resultats.

Tanben s’an adequat es lòc de trabalh e adaptat es fluxes de procèssi en tot racionalizar es circuits assistenciaus d’arribada de peticions ath laboratòri e identificacion des mòstres. Mès a mès, s’a potenciat er airau de preanalitica e ara toti es circuits deth laboratòri son automatizadi e sincronizadi en tot incrementar era eficiéncia des procèssi.

Hè dejà uns mesi, qu’eth servici de laboratòri der Espitau s’incorporèc ath hilat de laboratòris dibi e se cambièc ath sistèma informatic Eyra, e ara, damb eth cambi d’equipaments, es professionaus d’Aran Salut an compdat en tot moment damb eth supòrt presenciau de nau professionaus multidisciplinars de dibi e damb lèu ua vintia en remòt. Çò qu’a bastit ua importanta sinergia professionau molt profitosa e essenciau entara milhora deth laboratòri en tot trabalhar en equipa entre es diuèrsi membres d’andues institucions