• En motiu deth cambi tecnologic deth laboratòri der Espitau Val d’Aran era equipa directiva der hilat dibi e d’Aran Salut s’an amassat e an visitat es installacions damb era naua equipacion.

S’a celebrat ua jornada directiva entre es equipes directives d’Aran Salut e dibi entà, ath delà de clausurar era transformacion tecnologica deth laboratòri, compartir es linhes estrategiques de futur.

Er inici d’aguesta jornada a auut lòc en madeish laboratòri a on es directius d’andues institucions an podut conéisher dera man deth Cap de Servici, Òscar Diaz era totalitat d’accions implementades entà transformar eth servici que s’an desvolopat d’ençà qu’eth laboratòri d’Aran s’incorporèsse ath hilat dibi.

Tanben, a detalhat e explicat era adquisicion e installacion dera naua equipacion tecnologica, transformacion que s’a anat desplegant ath long des darrèri mesi gràcies ath trabalh conjunt entre es professionaus de dibi e d’Aran Salut.

Dempús, es equipes directives s’an trasladat ara sedença deth Conselh Generau d’Aran a on s’an amassat entà hèr un balanç des cambis realizadi enquiara, atau coma, des naui rèptes e estrategies de cara ath futur que s’implementaràn pròximament entre andues entitats.