• A compdar d’aguesta setmana, realizaram un cambi enes foncions des professionaus deth laboratòri.

Er actuau cap de servici deth laboratòri der Espitau, Òscar Díaz passarà a focalizar-se en exclusiva en Contròle de Gestion deth laboratòri d’Aran Salut, foncion que compaginaue enquiara damb era de cap de servici. Entà atau, potenciar un des projèctes estrategics entà Aran Salut: era adequacion dera demana de pròves diagnostiques, tanben coneishuda damb eth nòm de right care.

Profitam era escadença entà arregraïr a Òscar er excellent trabalh qu’a realizat pendent aguest darrèr an ath capdauant dera transformacion tecnologica deth laboratòri. Autan coma, volem méter en valor era sua dedicacion e professionalitat, aptituds indispensables damb es que contunharam compdaram entàs rèptes der airau de Contròle de gestion.

Pr’amor d’aguest cambi, Anna Padrós serà a compdar d’ara era naua cap de servici deth laboratòri der Espitau Val d’Aran, cargue que somarà as sues actuaus foncions. S’incorpòre atau, en ua equipa de trabalh entà complementar eth prètzhèt encuedat pera coordinadora deth laboratòri, Joana Padilla, qui s’a somat tanben darrèrament ath servici entà balhar cobertura en dia a dia.

Felicitam a Anna per aguest nau cargue qu’assomís e dam era benvenguda a Joana que, d’un temps ençà, ja forme part dera equipa de manèra presenciau.

Vielha, 12 d’ abriu de 2023