• Aguest mes s’an iniciat es trabalhs de remodelacion der airau quirurgic que permeteràn ath nòste Espitau compdar damb dus quiròfans de plen rendiment e damb es darrères tecnologies, ei previst qu’aguestes òbres siguen finalizades a finaus de junh.

• Aguesti trabalhs son possibles gràcies ara dedicacion des
  professionaus der equip quirurgic, qu’amien a tèrme un gran esfòrç entà poder trabalhar sense ajornaments e mantenguent en grana mesura era activitat programada

Eth passat 2 de mai s’inicièren es òbres deth nau airau quirurgic der Espitau Val d’Aran, uns trabalhs que permeteràn ath nòste espitau compdar damb dus
quiròfans de plen rendiment, dotadi damb es darrères tecnologies.

A despièch de totes es dificultats qu’a auut de trauessar aguest projècte, ara es òbres auancen a un bon ritme e ei previst que siguen finalizades a finaus deth mes de junh.

Cau destacar qu’aguesti trabalhs son possibles gràcies ath trabalh e dedicacion
des professionaus der equip quirurgic, qu’amien a tèrme un gran esfòrç entà
poder trabalhar sense ajornaments e mantenguent en grana mesura era activitat
programada, e qu’an desvolopat un plan de contingéncia entà trabalhar damb
seguretat e coordinacion damb era rèsta d’espitaus.

Quan es òbres deth nau airau quirurgic finalizen, er Espitau Val d’Aran compdarà damb dus quiròfans de plen rendimen e damb un blòc obstetric tanben abilitat coma quiròfan, toti eri dotadi damb es darrères tecnologies.

Vielha, 19 de mai de 2023