-
Delàger, era equipa deth laboratòri Aran Salut-LRC arrecebec uns excellenti resultats ar informe emetut pera auditoria extèrna Applus+ Certification en tot arténher era certificacion ISO 9001 sus eth nau sistèma de gestion.
Pendent aguest exaustiu estudi, s’a analizat era conformitat deth sistèma de gestion deth laboratòri entà assegurar que coma organizacion seguim toti es requisits legaus, reglamentaris e contractuaus aplicables. S’a avalorat era eficiéncia dera gestion en çò que hè ath acompliment des objectius especificadi pera auditoria e s’a determinat un compliment totau.
Aguesta naua certificacion, includís ath laboratòri d’Analisis Cliniques entara realizacion de determinacions d’Hematologia e Hemostàsia, Bioquimica Clinica, Immunologia, Serologia e Microbiologia. Ath delà, deth Depaus de Sang e eth servici de Transfusions deth centre. Se tracte d’un reconeishment qu’avale qu’es procèssi de qualitat e l’estandardització de procediments e protocòus deth laboratòri, hèn possible era reduccion de possibles errors en tot eth procès analitic e en liurament de resultats.
Felicitam a toti es membres deth laboratòri e de qualitat d’Aran Salut per aguest succès e remercam era importància deth trabalh de renauiment tecnologic deth laboratòri realizat en conjunt damb era Xarxa Dibi damb qui compartim aguesta èxit.
Vielha, 9 de seteme de 2023
