• Ager auec lòc en Espitau Val d’Aran ua amassada de fòrça importància entàs Servicis Assistenciaus Integrats d’Aran e entara region sanitària der Alt Pirineu e Aran.

Pendent aguesta trobada, eth gerent dera region a expausat es principaus estrategies que mercaràn es objectius der an 2024 en sector sanitari. Tanben s’a metut en debat temes claus qu’afècten ara region, sustot era optimizacion des recorsi, era milhora dera atencion as pacients e era implementacion de naues tecnologies medicaus.

Un des èishi principiaus a sigut era relevància dera coordinacion e collaboracion entre es diuèrsi proveïdors dera region sanitàri entà qu’eth trabalh amassa sigue mès eficient e s’an plantejat diuèrses solucions entà arténher aguest propòsit conjunt.

Fin finau, era amassada s’a barrat damb eth fèrm compromís de totes es institucions implicades entà contunhar desvolopant eth trabalh en equipa damb era guardada tostemp fixada en benestar e qualitat de vida des persones e contunhar milhorar eth sistèma sanitari deth Alt Pirineu e Aran.