• Eth Conselh Generau d’Aran a trèt a exposicion publica eth projècte de reforma interiora d’aguest equipament.

• Aguesta naua òbra servirà entà hèr es modificacions de besonh laguens dera bastissa tà adequar er espaci as besonhs mercadi peth Plan Foncionau e eth Plan de Gestion, que descriuen es servicis e espacis damb es qu’a de compdar ua residéncia d’aguest tipe.

• En aguest sens, pròximaments se licitarà tanben era crompa de mobiliari e s’amiarà a tèrme ua reurbanizacion der entorn, en tot auer previst poder daurir aguest equipament a finaus d’aguest an.

Eth DOGC a publicat aué er edicte sus era aprobacion iniciau deth projècte de reforma interior dera Residéncia Sant Joan de Les. Aguest projècte serà en fasa d’exposicion publica pendent un mes abans de gésser a licitacion es òbres

Esta prueba será realizada por enfermería en gabinete de exploraciones, y de momento, bajo demanda de los médicos. Pero próximamente, también se llevará a cabo esta prueba haciendo criba de patologías oculares a pacientes diabéticos. Además, el retinógrafo, que es el aparato que realiza las retinografías, es una herramienta más que podrán utilizar los oftalmólogos en las consultas externas.

Cau rebrembar qu’ena legislatura de 2015 a 2019, eth Conselh Generau d’Aran inicièc eth projècte de bastiment dera Residéncia Sant Joan de Les entara gent grana, mès aguest projècte non compdaue damb cap estudi de viabilitat tecnica ne economica qu’auesse en compde es besonhs reaus deth territòri en aguest airau. Er actuau govèrn a artenhut redefinir eth projècte e redigir un plan foncionau e de gestion, que non s’auien realizat, que permeteràn qu’era Residéncia Sant Joan esdevengue un espaci que pogue acuélher as sòns usatgèrs e usatgères damb totes es garanties.

Aguesta residéncia a patit diuèrsi retrassi pr’amor dera pandèmia e per motius administratius, e dempús d’auer estudiat possibles solucions entà adaptar aguest equipament as besonhs reaus deth territòri e d’auer encomanat eth pertinent Plan Foncionau e de Gestion entà definir es servicis e es espacis damb es qu’a de compdar ua residéncia d’aguest tipe, ges a exposicion publica eth projècte de reforma interior qu’a d’adequar er espaci as besonhs mercadi per aguesti plans, en tot adaptar er equipament ara normativa en àmbit sociau actuauments vigenta.

Enes pròplèu mesi s’iniciaràn aguestes òbres entà realizar petites modificacions laguens dera bastissa, se licitarà tanben era crompa de mobiliari, qu’ascendirà ath torn des 300.000 €, e s’amiarà a tèrme ua reurbanizacion der entorn dera Residéncia, en tot auer previst poder daurir aguest equipament a finaus d’aguest an.

Ei previst qu’aguesta residéncia age capacitat entà 32 persones e compde damb centre de dia damb capacitat maxima entà 25 persones, entà ampliar atau es servicis en matèria d’atencion sociau que balhe eth Conselh Generau d’Aran a trauès deth SABS. Era dubertura des tres prumères plantes dera Residéncia a finaus d’enguan supausarà ua prumèra fasa deth projècte. Se trabalhe damb er airau sociau entà definir er emplec des autes dues plantes, de manèra que tanben se pogue trabalhar damb d’auti besonhs qu’a eth territòri ara madeish coma era atencion ara discapacitat o era dependéncia.

Vielha, 24 de mai de 2023