Estructura organizativa

Home » Organizacion

Es òrgans de govèrn d’Aran Salut, SL son era Junta Generau, eth Conselh d’Administracion e era Direccion-Geréncia.

Era Junta Generau

Es foncions deth Conselh Generau d’Aransalut, SL les exercís eth Conselh de Direccion deth SABS.
Cossent damb çò que preve er article 10 des estatuts que regissen er organisme d’eth “Servici Aranés de Benèster e Salut”,
1. Eth Conselh de Direccion, organ superior de govèrn e direccion d’eth “Servici Aranés de Benèster e Salut”, ei format per:

    • Eth/era sindic/a d’Aran, qu’ei eth/era president/a e coma tau a era representacion institucionau.
    • Eth/era Conselhèr/a de Sanitat e Servicis sociaus, qu’ei eth/era vice-president/a.
    • Dotze vocaus damb era distribucion següenta:
        • Un/ua vice-sindic/a o un/ua conselhèr/a generau, designat/da liuraments per eth/era sindic/a d’Aran.
        • Dus conselhèrs/as generaus que seràn designadi peth Plen d’eth “Conselh Generau d’Aran” en proporcion ara importància numérica de cadun des grops deth Plen.
        • Dus representants dera Generalitat de Catalonha, designadi pera persona titolar deth departament competent en matèria de salut e d’aute pera persona titolar deth departament competent en matèria d’accion sociau.
            • – Director/a de sector “Regió Sanitària Alt Pirineu i Aran” (peth Departament de Salut dera GC)
            • – Director/a des Servicis Territoriaus de Drets Sociaus en Lhèida (peth Departament de Drets Sociaus dera GC)
          • Eth/era director/a d’eth “Servici Aranés de Benèster e Salut”.
          • Eth/era director/a d’Emergéncies e Emparament Civiu d’eth “Conselh Generau d’Aran”.
          • Un/ua representant des ajuntaments dera Val d’Aran, escuelhut entre es bailes e còssos/es de sanitat e servicis sociaus des entitats aperades.
          • Un/ua representant des organizacions sindicaus mès representatives dera Val d’Aran.
          • Eth/era president/a deth Conselh Comarcau de Nauta Ribagorça o persona en qui delegue.
          • Dues professionaus d’arreconeishut prestigi en contorn dera planificacion, era organizacion e era gestion de servicis sociaus e de salut, designada liuraments peth/eth sindic/a d’Aran.

     

Era Junta Generau demore validament constituïda sense besonh de convocatòria prealabla tostemp que siguen presenti era totalitat des membres deth Conselh de Direccion deth SABS e acòrden per unanimitat constituïr-se en Junta Universau. Aguesta Junta a competéncia entà deliberar e decidir sus quinsevolh tipe d’ahèr. Era Junta Generau a es següentes facultats:

 

    • Nomentar, revocar, ratificar e/o separar es membres deth Conselh d’Administracion.
    • Nomentar e separar eth cargue de director-gerent e era rèsta de cargues dera estructura dera gestion e administracion, a prepausa deth Conselh d’Administracion.
    • Modificar es estatuts sociaus, d’acòrd damb es normes legaus o estatutàries que siguen aplicables ath procediment de modificacion.
    • Aumentar o disminuïr eth capitau sociau, respectant tostemp eth minim legau establit.
    •  Acordar era transformacion, fusion e escission dera societat.
    • Acordar era dissolucion dera societat.
    • Decidir sus quinsevolh tipe d’ahèr que sigue d’interès entara societat e qu’a prepausa deth Conselh d’Administracion o dera Direccion-Geréncia s’includís ena orde deth dia dera convocatòria.
    • Quinsevolh aute ahèr qu’era Lei de societats de responsabilitat limitada atribuïsque ara Junta Generau.

Eth Conselh d’Administracion

Eth Conselh d’Administracion ei er organ sociau de gestion, administracion e representacion permanenta dera societat formada per un minim de tres e un maxim de cinc membres; d’acòrd damb es estatuts d’Aran Salut, SL. Ei presidit pera sindica d’Aran. Aguesti cargues an ua validesa de quate ans, coïncidissen damb eth renauiment electorau deth Conselh Generau d’Aran e pòden tornar a èster escuelhudi per periòdes dera madeisha durada. Eth Conselh d’Administracion s’a d’amassar un minim d’un còp cada dus mesi, a trauès dera convocatòria dera Presidéncia. Es membres deth Conselh d’Administracion son:

 

    • Mgfc. Sra Maria Vergés. (Síndic-Presidenta del Conselh de administración)
    • Mgfc. Sr. Francisco Bruna Capel (Miembro)
    • Mgfc. Sr. César Ruiz Canela (Miembro)
    • Sra. M. Àngels Borràs Hurtado (Miembro)
    • Mgfc. Sr. Juan Antonio Serrano Iglesias( Miembro)

Direccion-Geréncia

Era Direccion-Geréncia ei er organ sociau en qui requè era gestion e era direccion immediates des activitats jornalières dera societat, en conformitat damb es directritzes e ordes deth Conselh d’Administracion e dera Junta Generau. Era persona qu’aucupe eth cargue de director-gerent ei nomentat pera Junta Generau a prepausa deth Conselh d’Administracion. Actuaument eth cargue de director-gerent d’Aran Salut, SL l’aucupe eth Sr. Jordi Vilana González.

Te podem ajudar?

Contactatz-mos
X