Residéncia Sant Antoni

Ei un servici d’acuelhuda, damb caractèr permanent o temporau, e d’assisténcia integrau, adreçat a persones d’edat auançada que non an sufisent grad d’autonomia entà hèr es activitats dera vida diària, qu’an de besonh supervision constanta e qu’an ua situacion sociofamiliau que demane era substitucion der espaci a on viuen. Eth servici s’adapte ath grad de dependéncia des persones usatgères.
Era equipa professionau responsabla ei pluridisciplinària e ei formada per infirmeria, auxiliars de gerontologia, terapèuta ocupacionau e professionau dera educacion e eth trebalh sociau, terapèuta ocupacionau e medicina. Tanben includís eth cargue de director e responsable igienicosanitari.

Eth centre de dia ei un servici d’acuelhuda diürn que complemente era atencion pròpia der entorn familiau, damb es objectius d’afavorir era recuperacion e eth manteniment dera autonomia personau e sociau, mantier ara persona en sòn entorn personau e familiau enes milhors condicions e proporcionar supòrt as familhes ena atencion as persones d’edat auançada dependentes.
Era equipa de professionaus que trebalhe en un centre de dia entà gent d’edat auançada ei pluridisciplinària e ei formada per un director o directora responsable, un/ua responsable igienicosanitari e personau d’atencion dirècta professionaus damb titulacion apropiada entà aufrir atencion geriatrica, animacion socioculturau, teràpia ocupacionau, atencion sanitària e sociau.