ETH PART

Eth part en espitau

Era equipa d’obstetrícia d’Aran Salut trabalhe damb era filosofia de part naturau.

Açò supause un respècte en tot moment dera mair e eth hilh/a, sajant de non trincar aguesta unitat se non cau e s’era situacion ac permet, en tot dar atau ua assisténcia naturau ath procès de part, proporcionant tota era informacion de çò que hèm e auent en compde era vòsta opinion e damb era medicacion estrictament necessària.
Auem dessenhat un airau d’obstetrícia orientat a preservar era vòsta intimitat e comoditat sense renonciar ara vòsta seguretat e era deth vòste hilh/a. Ena planta d’espitalizacion dispausaratz d’ua abitacion individuau a on amiaram a tèrme es contròtles de besonh a vosté e eth vòste mainatge o mainada.

Visita ara sala de parts

Enes visites de seguiment que hèn es lheuadors/es, se vos aufrirà era visita der airau obstetric.

Quan auetz de vier tar espitau?

S’auetz contraccions regulars cada 5 minutes.
Se perdetz liquid amniotic (s’a trincat era bossa).
Se perdetz sang.
Se non percebetz es movements fetaus.

Tà on vos auetz d’adreçar?

Se vatz de part, auetz de vier tath Servici d’Urgéncies der Espitau Val d’Aran.
Eth Servici d’Urgéncies ei dubèrt es 24 ores deth dia toti es dies der an.
Aguest servici informarà ara equipa d’obstetrícia que darà es indicacions a seguir.