ARANSALUT SERVICIS ASISTENCIAUS INTEGRADI

Eth sistèma sanitari e sociau integrat d’Aran Salut ei un modèl pionèr. Era Societat Aransalut S.L. ei ua societat mercantila de caractèr comarcau en territòri dera Val de Aran qu’adòpte eth format de Societat unipersonau de responsabilitat limitada, de capitau integralaments public finançat ena sua totalitat peth S.A.B.S Organisme Autonòm dera Val de Aran. Se base en un principi olistic dera atencion ara persona. Un modèl transversau qu’aten es besonhs basics des aranesi e araneses.

Aransalut, SL com provedidora de servicis s’encargue dera gestion e administracion dera assisténcia sanitària e sociau. Eth sòn maxim organ rector ei eth Conselh d’Administracion d’Aransalut.

Es centres a on prèste servicis Aran Salut, SL son er Espitau Val d’Aran, era Residéncia Sant Antòni, eth CDIAP e es servicis sociaus, plaçadi en Vielha.

Cossent damb çò que preve er article 3 des estatuts aprovadi en an 2012 es foncions d’Aransalut, SL son es següentes:

• • • Prestacion d’ua atencion sanitària integrada, qu’amasse es actuacions d’atencion primària, espitalària, especializada, sociosanitària e dera salut mentau.
    • Prestacion de servicis sociaus.
    • Desvolopament de programes de recèrca en encastre dera salut e era atencion sociau e era collaboracion damb era universitat e era rèsta d’institucions competentes en matèria de docéncia, recèrca e divulgacion culturau en matèries sanitàries e sociaus.
    • Participacion ena promocion de campanhes o ahèrs relacionadi damb era medecina preventiva, d’acòrd damb es principis fixadi peth SABS.
    • Es comandes de gestion que pogue aufrir eth S.A.B.S o eth Conselh Generau d’ Aran pera sua condicion de miei pròpri e servici tecnic o de conformitat damb es articles 24.6 e 4.1 dera lei 30/2007, de contractes deth Sector Public..
    • Desvolopament de totes es accions que siguen de besonh entath compliment des sòns objectius, coma tanben des accions en relacion damb es foncions nomentades anteriorament que li seràn assignades