• Eth nòste director gerent, Jordi Vilana, e eth coordinador deth projècte d’Atencion domiciliària Integrada Sociau e Sanitària, Aleix Fontanals, an presentat eth nòste modèl unic d’Atencion Centrada ena persona (ACP) en stand deth Biocat

Ager siguec eth dusau dia deth 4YFN MOBILE WORLD CONGRESS 2024 celebrat en Barcelona, er eveniment tecnologic e d’innovacion mès concorrut deth mon qu’enguan complís eth sòn 10au. anniversari. Entre es nombrosi participaires de tot eth mon, eth nòste director gerent, Jordi Vilana, e eth coordinador deth projècte d’Atencion domiciliària Integrada Sociau e Sanitària, Aleix Fontanals, an presentat eth nòste modèl unic d’Atencion Centrada ena persona (ACP).

Siguérem convidadi ar stand deth Biocat, BioRegion of Catalonia, liderat peth Consòrci de Salut e Sociau de Catalonha, era Agéncia de Qualitat Avaloracion Sanitària de Catalonha (AQuAS), eth Servici Catalan dera Salut, er Institut Catalan dera Salut e Servicis Assistenciaus Integradi d’Aran. Tanben arrecebem era visita deth Conselhèr de Salut, Manel Balcells, amassa damb es representants des entitats impulsores deth Catalonia Health Innovation Ecosystem Pavilion. Damb toti eri podérem compartir era integracion de servicis amiadi a tèrme en Aran entà optimizar es procèssi des persones atengudes, atau coma, en tot centrar era guardada enes pacients e es sòns familhaus coma protagonistes dera atencion.

Eth nòste modèl que siguec explicat deuant de visitants de diuèrsi païsi, creec fòrça bones expectatives pr’amor d’èster pionèrs ena materialitacion d’uns servicis qu’intègren era salut damb es servicis sociaus. A trauès de diferentes presentacions, es nòsti dus ponents expliquèren de manèra amena e pròplèua coma implementam aguesta transformacion en Aran.